Volkslieder

Auf'm Wasa graset d'Hasa ond em Wasser gambet d'Fisch
|: Lieber will i gar koi Schätzle als en sona Fiedrawisch. :|

Ganger mer weg mit Sametschüla, gang mer weg mit Beandela!
|: Bauernmädel san mer lieber als so Kaffeebembela. :|

Woni hau mei Schätzle gnomma, hot mei Mueder grausig dau,
|: hot me bei de Aura gnomma, d'Schieganabe fludra lau. :|

Sag du no zu deiran Alda, sui soll mi bassiera lau,
|: i wur scho mein Schatz verhalda, sell wurd sui en Dreck angau. :|

Hender meiner Schwiegermueder ihrem graussa Hemelbett
|: leit a ganzer Sack voll Sechser, wenn i no die Sechser hätt!. :|

Woni hau no kratzt ond bissa, hot mi wella koina küssa
|: seit i nemma kratz und beiss, krieg i d'Küssla dutzendweis. :|

Kleine Kiegela muess mer giessa, wenn mer Vögela schiessen will,
|: schöne Mädela muess ma kiesa, wemmer schöne Weibla will. :|